Hunpui laiin Serchhip district-a khaw tinah Special Drive nei dawn

Serchhipa Excise & Narcotics department chuan Krismas leh kumthar laiin boruak muanawm tak a awm theih nan Serchhip district-a khaw tinah Special Drive an kalpui dawn. District bawrhsap Paul L Khuma chuan, thuawih leh thianghlim taka hunpui hmang turin district mipui a chah.

Bawrhsap chuan thuchhuah siamin, Krismas leh kumthar laiin boruak muanawm tak a awm theih nan Serchhipa Excise & Narcotics-te'n Special Drive programme an duang tih a tarlang a, "Hei hi December 1, 2024 aṭanga January 3, 2025 thleng hman a ni ang. Hemi chhung hian mobile patrolling neih a ni ang a, thaw aṭanga zu in leh in loh hriat theihna (breath analyser) hman ṭhin a ni ang," a ti.

Serchhip DC chuan, Excise & Narcotics en­force­ment-te'n Serchhip district-a khaw tin an tlawh dawn tih tarlangin, "Dan bawhchhiate chu an chungah dan anga hma­lak a ni ang," a ti a; thu­awih leh thianghlim taka hunpui hmang turin district mipui a chah a ni.