Hmarcha GI tag chungchang sawiho

North Eastern Regional Agricultural Marketing for Corporation Ltd. (NERAMAC) chuan nimin khan Hotel Floria-ah 'Workshop and user authorization drive for NERAMAC’S GI Products Mizoram - Mizo Chilli' an buatsaih.

Zirhonain a tum ber chu, Mizo hmarcha chíngtu member 500 lak khawm a, NERAMAC kaltlanga Geographical Indication (GI) tag felfai taka kalpui a ni a; GI registration tih dan leh authorization neih dan te, hmarcha chingtute tana GI tag hlawk dante zirho a ni.

NERAMAC hi GI tagging-ah hma latu a ni a, tunah hian India hmarchhak bialah thil chi hrang hrang 13-ah certify an nei tawh a, chu'ng zingah chuan Mizo hmarcha a tel.