EMRS Tlangnuam sak dan thlir let

Mizoram State Project Monitoring Committee (MSPMC) chuan nimin khan Planning committee room-ah Eklavya Model Residential School, Tlangnuam sak hna thawh dan an thlir let a; an lo endik tawh aṭanga siamṭhat ngai leh hmalak zui dan tur an sawiho.

MSPMC hian vice chairman R Lal Rinawma hoin November 1, 2024 khan EMRS Tlangnuam building sak chu a hmunah an lo endik tawh a ni.

Nimina review meeting-ah hian MSPMC member secretary Lalthanzuala Ralte, member - Dr Lalrinchhana, George Lalzuia, Laltlanthangi Ralte, Dr Vanlaldinpuia, Lalremsangi Fanai leh task force member Vanchhungi, Social Welfare & Tribal Affairs secretary Lalzarmawii, director Dr Lalhriatzuali Ralte, joint director Ruth Vanlalsawmi, contractor DJ Consultancy Services leh project consultant Biakliana & Sons Consultancy Engineer-te an tel.

EMRS hi India Constitution Arti-cle 275(1) hnuaiah tribal naupang, hmun kilkhawra mite'n national standard zirna an hmuh theih nana ruahman a ni a, EMRS Tlangnuam chu Ministry of Tribal Affairs sum cheng vbc 24 senga sak a ni.