Sikkim IPR leh press mite leh MJA member-te an inkâwm

Sikkim-a press tour nei mek Mizoram Journalists Association (MJA) member-te leh IPR department official-te chuan nimin khan Gangtok-ah Sikkim IPR department secretary leh director bakah, Gangtok-a journalist-te an kâwm.

Mizoram journalist-te hian Sikkim Press Club an tlawh a, Vice President hoin an lo dawngsawng. Sikkim Press Club-ah hian member mi 150 vel an awm mek a, kumin aṭangin Journalist Pension Scheme an hmang ṭan a, journalist pension mi 12 neiin, pension hlawh thla khatah Rs 12,000 pek an ni.

MJA member-te hian Sikkim IPR department pisa an tlawh bawk a, IPR Secretary leh Director ten an lo dawngsawng a, an inkawmho bakah, office-a Archive leh Studio-te an fanpui a ni.