Solar Cold Storage Facility hawng

Rural Development minister Prof. Lalnilawma chuan nimin khan East Lungdar leh Léng khuaah Shyama Prasad Mukherji Rurban Mission aṭanga sak Solar Cold Storage Facility a hawng.

Prof. Lalnilawma chuan, cold storage hawn tâk chu kut hnathawktute thlai thar vawn ṭhatna tur a nih thu sawiin, "Chief minister Pu Lalduhoma kaihhruai Mizoram sorkar chuan kut hnathawktute tan theihtawp a chhuah mek a, a chhuah chhunzawm zel dawn," a ti a; cold storage chu lo neitute'n ṭangkai taka an hman a beisei thu a sawi.

East Lungdar leh Leng khua bakah, a chhehvela PHE, Rural Development leh Horticulture department hmunhma leh hmalaknate Prof. Lalhilawma hian a tlawh nghal a; contractor-te chu ṭha taka hna tawk turin a hrilh a ni.

Minister hian East Lungdar leh Léng khuaah hian mipuiin an duh leh mamawhte an thlen theihna hun (public interview) a hawng nghal bawk.