Kolasib Jail-a tâng a tlânbo

Ruihhlo vanga man Kapthanruma (42) s/o Hlawntaia (L), Khawmawi, Myanmar chu Nazareth Hospital, Kolasib aṭangin November 25, 2024 (Thawhṭanni) tlaiah khan a tlanbo.

Prison department aṭanga Vanglaini thu dawn danin, Kapthanruma hi thubuai ngaihtuah lai a ni a; November 25 tlai khan damdawi-inah dah luh a ni. Damdawi-inah hian amah vengtu police thlaktu tur koh an nih laiin, refer guard (warder) hnenah inthiar a dil a, handcuff nen mawng sil harsa a tih avangin phelh a dil a, phelhsak a ni.

Inthiarna hi kawng­khar chhung lamah a kalh a, police duty-in ngaihvena inthiarna kawngka a kik chu a chhàn loh avangin police chu ventilation aṭangin a lut a, Kapthanruma chu a lo awm tawh lo.

Kapthanruma lakah hian Kolasib Police Station-ah FIR thehluh a ni a, hriat theih chinah nimin tlai thleng khan man a la ni lo.