Cooperative bank ti ṭha ber Apex Bank

Mizoram Cooperative Apex Bank chuan kum hnih (2022-23 leh 2023-24) chhung a zâwna India rama cooperative bank thawk ṭha ber lawmman November 26, Thawhlehni khan an dawng.

January 26 khan New Delhi-a Bharat Mandapam, Pragati Maidan-ah National Federation of State Co-operative Banks (NAFSCOB) diamond jubilee lawm a ni a; hetah hian MCAB chuan Cooperative Bank II-Tier Structure-ah 'Annual Performance Award for Best Performing State' an dawng. Pakhatna lawmman hi sorkar laipuia Cooperation changtu Amit Shah chuan MCAB chairman Lalnunsanga hnenah a hlan a ni.

NAFSCOB diamond jubilee lawm rual hian International Cooperative Alliance (ICA) Conference hman nghal a ni a, ICA president Ariel Guarco bakah, Union minister pathum leh Cooperation secretary-te'n an hmanpui. MCAB chairman Lalnunsanga hi NAFSCOB Board of Director-ah a tel mek.

MCAB hotute chuan, Best Performing State Cooperative Bank Award kum hnih chhung a zâwna an dawng thei chu Mizoram mipui, Mizoram sorkar leh share holder-te vang a nih thu leh an chungah an lawm thu an sawi.

Apex Bank hi Mizorama bank 23 awm mek zingah branch ngah berte zinga mi a ni a, an credit deposit ratio chu 77% a ni mek.