SA Corps Cadet Congress a ṭiak

Salvation Army India Eastern Territory-a Territorial Corps Cadet Congress chu November 23, Inrinni aṭang khan Ainawn Venga Youth Multipurpose Centre-ah ṭan a ni a, nizan khan a ṭiak.

Corps Cadet Congress-ah hian SA IET chhunga corps hrang hrang aṭangin palai 3,000 chuang an tel. Nimin chawhma khan thianghlimna inkhawm neih niin, Territorial commander Col. Lalhmingliana leh Women's Ministries Territorial president Col. Lalhlimpuii ten corps cadet chhang zo mi 398 hnenah badge of merit leh certificate an hlan a; chawhnuah fakna inkhawm leh zanah chhandamna inkhawm neih a ni.

Corps Cadet hi Salvation Army-a naupang pawl niin, kum 11 tling tawh, pawl 5 zo tawhte tan zir theih a ni a, kum 6 chhung zir tur a ni.