Investment Roadshow-ah Governor a tel

Governor Dr Hari Babu Kambhampati chuan November 13, Nilaini khan Hyderabad-a Park Hyatt-ah Ministry of Development of North Eastern Region (DoNER) leh Federation of Indian Chambers of Commerce & Industry (FICCI) buatsaih Northeast Trade and Investment Roadshow a hmanpui. Dr Hari Babu Kambhampati chuan, information technology company leh skill development lam buaipuitute chu technology lama theihna nei sang Mizo ṭhalaite chhawr ṭangkai an nih theih nan hun remchang siamsak turin a sáwm.

Governor chuan, investor kal khawm zinga drone pilot training leh service provider-te chu Mizoram sorkar nen thawkho a, agriculture leh pawimawh danga drone hman dan inzirtirna buatsaih turin a ngen bawk.

Roadshow-ah hian Mizoram aṭangin Sports & Youth Services secretary Lalramsanga Sailo, Commerce & Industries joint sec-retary Pinky Zosangpuii, adviser cum joint secratary Chingthan-mawii, Planning & Programme Implementation department hotute leh official dangte an tel a ni.