Kolasib district-ah NRDF-ten Familiarization exercise an zo

National Disaster Response Force (NDRF) chuan Kolasib district-a khaw hrang hrang leh zirna-inahte chhiatrupna thlen thulha hriat tur pawimawh inhrilhhriatna, inzirtirna leh hriatzauna ‘Familiarization Exercise’ chu nimin khan an zo.

Familiarization exercise tawpna chu nimin khan DC office-ah neih a ni a, hun hman dan hrang hrangte thlir let nghal a ni. Kolasib DC Jitender Yadav chuan, “Chhiatrupna hi khuarel thil, sawi lâwk theih a nih loh avangin pumpelhna awm thei te, chhiatna a thlen thulha chet lak dan te, tih tur leh tih loh tur inzirtir leh inhrilhhriat te, hmun him dap leh zawn dan chung­changte mipui a tam thei ang ber kan inzirtir hian eng emaw chen inrálrinna a awm thei a ni,” a ti.

NDRF-te hian May 6, 2015 aṭang khan Kolasib district-ah ‘Familiarization Exercise’ an buaisaih ṭan a, Kolasib khawpuiah chuan Diakkawn High School, Hmarveng High School, St. John’s Higher Secondary School, Kolasib District Hospital, DIET leh Brig. C Vankunga Shop­ping Centre-ahte hun hman a ni.