Zikpuii Pa thu leh hla zirho

Hrangbana College-a Mizo department chuan nimin khan IPR Auditorium-ah KC Lalvunga (Zikpuii Pa) thu leh hla zirhona hun an buatsaih a, Mizo Language Develo­pment Board chairman R Lallianzuala'n a hmanpui. Zitlai pali hnenah KC Lalvunga Merit Scholarship sem nghal a ni.

Zirhona hi HBC associate professor H Lalthanpuii'n a kai­hruai a; khuallian bakah, KC Lalvunga fanu Lalthan­zami leh HBC principal Lalthlengliana Hrahsel-te'n thu an sawi.

Chawhnuah KC Lalvunga kutchhuak chungchanga MZU associate professor Dr Zoramdinthara leh Mizoram Christian College-a assistant professor KC Lalthansanga te paper buatsaih zirho a ni a; Zikpui Pa thawnthu hrang hrang hmanga book review intihsiak lawmman sem a ni bawk.

Mizo Language Deve­lo­pment Board Chairman chuan, KC Lalvunga chu Mizo hnam tan thu leh hla mai piah lamah, zirna leh politics thlenga mi pawimawh a nih thu a sawi a; Mizo subject-a ti ṭha zirlaite hnena sem ṭhin KC Lalvunga Merit Scholarship chu ṭangkai taka hmang turin zirlaite a chah.