DGP-in DIG (NR) pisa thar a hawng

Mizoram Police Headquarters-a Deputy Inspector General (Northern Range) pisa in thar chu nimin khan DGP Anil Shukla-a'n a hawng.

DIG (NR) pisa thar hi Special Central Assistance Scheme hnuaiah Mizoram PWD-in an sak a, July 21, 2022-ah sak ṭan niin, January 21, 2025-a sak zawh tura ruahman ni mah se, October 21, 2024 khan sak zawh a ni.

In sakna atan cheng vbc. 3.2 ruahman a nih laiin, cheng vbc. 2.74 hmanga sak zawh a ni a, in chhawng tin zau zawng belhkhawm chu square metre 592 a ni.

Mizoram Police thuchhuah chuan, Mizoram sorkar zara office building thar an nei chu an lawm thu a tarlang a, "Official-te pawhin an duty-te ṭha taka an hlen theihna hmun a ni ngei ang," a ti.