END-in heroin gram 457.97 man

Serchhipa Excise and Narcotics department mi leh sate chuan November 2-3, 2024 khan hmun pahnihah heroin gram 457.97 an man a; Narcotics Drugs and Psychotropic Substances Act, 1985 tlawhchhanin thubuai an ziak lut.

END-te hian Nove­mber 2, 2024 chhun dar 11:30 khan Then­zawla ṭawngṭaina hmun kiangah Gospel Lalruat­fela (30) s/o Ram­ding­liana, Thenzawl Veng­hlun hnen aṭangin sah­­bawn báwm 27-a dah heroin gram 337.87 man.

November 3, 2024 zing dar 4:30 khan Thenzawl aṭanga Chalkhân panna (Aizawl kawng)-ah Samson Malsawmtluanga (30) s/o Vansangzuala leh Jacob Lalhlimpuia (19) s/o Varsangzuala, Lower Chanmari, Serchhip nia inchhálte hnen aṭangin sahbawn báwm 10-a dah heroin gram 120.1 an man bawk.