Champhaia hmalaknate enfiah

Sorkar laipuia Ministry of Agriculture and Farmers Welfare hnuaia Department of Agriculture and Farmers Welfare joint secretary Franklin L Khobung chuan nimin khan Champhaiah kut hnathawktute tana sorkar hmalaknate a hmunah a en.

Franklin L Khobung hian chawhmaah Champhaia District Agriculture Office a tlawh a, DAO F Lalmalsawma leh a thawhpuite'n lo dawngsawngin, an hnathawh dan leh kalphungte an lo hrilh. Chumi hnuah Irrigation & Water Resources pisa a tlawh leh Agriculture department-in FOCUS kaltlanga Hmunhmelṭhaa Integrated Farming System Tlangram zaua hma an lakna a tlawh leh a ni.

Franklin L Khobung hian Horticulture office a tlawh a, district horticulture officer Lalrinchhani'n a lo dawngsawng a; sapthei sawngbawlna tur Cold Storage Complex te, Champhai Winery te, Tlangsama Turmeric Processing Plant-te an tlawhpui.