Thlai lei tumte inziak lut turin hriattir

Serchhip District Agricultural Marketing Committee (DAMC) chairman Paul L Khuma, bawrhsap chuan Handholding Scheme hnuaia thlai lei leh hralhnate mumal zawka kalpui a nih theih nan sawhthing, aieng, hmarcha leh hmunphiah leitu/commission agent-te chu DC office-ah inziak lut vek turin a hriattir.

Bawrhsap chuan, society leh sorkar hriatpuina ngeiin thlai pali hralhna chu kalpui tur a nih thu a tarlang a, "Sorkar hriatpuina loa hralhte chu harsatna a awm pawhin sorkarin a pui thei dawn lo. Sawhthing, aieng, hmarcha leh hmunphiah thar chhuahte lei khawm duh tan online/offline hmangin DAO (8729939889), SDC (9612058635) leh DC office assistant (9089482718)-ahte buyers registration form hmangin registration tih theih a ni," a ti.