Hnatlanga chetsualnaah thi

Dr Jonathan Lalding-liana (35) h/o Jessica C Malsawmzuali, Chawlh-hmun chu nimin zinga kohhran hnatlangah chesualin, na takin a hliam a, Ebenezer Medical Center-ah hruai ni mah se, a hliam tuar loin chawhma dar 10:15 khan a thi a, vawiinah vui a ni ang.

KṬP, Chawlhhmun Branch assistant leader Lalthuhrilliana hnen aṭanga thu dawn danin, Dr Jonathan Laldingliana hi Chawlhhmun Presby­terian Kohhran hna­tlangah telin, truck aṭangin sailungvár phêk lian an hláng thla a, sailungvar phek eng emaw zatin a pumah delhin, na takin a hliam a ni.

Dr Jonathan Lalding­liana hi Mizo zinga Elec­trical & Electronics Engi­n­eering-a Ph.D nei awm chhun nia sawi a ni a; KṬP, Chawlhhmun Branch-ah finance secretary ni lai a ni bawk.