Fûr atan ṭhál laia inbuatsaih turin chah

Aizawl district bawrhsap Lalhriatpuia, District Disaster Management Authority chairman ni bawk chuan thuchhuah siamin, khua a ṭhàl chhoh leh ṭan tawh avangin fûr ruahtui tam laia chhiatna thleng thei laka inveng lâwk tur leh a ṭul anga hma la turin mi tin a chah.

ADDMA Chairman chuan, Aizawl district-a khua/veng tina village/local disaster management authority-te chu thuchhuah zawm a nih leh nih lohte enfiah a, a zâwm lote chu District Disaster Management Authority hnenah hriattir turin a chah a; thuchhuah zâwm lote chu DM Act, 2005 hnuaia hrem theihna dan hmangin hrem theih an nih thu a tarlang.