Lirthei chesualah mi pakhat a thi

November 2, Inrinni tlai dar 5 vel khan Khawruhlian daiah WagonR car a chesual a, mi pathum chuang zingah James Laltluangliana (30) s/o F Laltlanhlua, ITI Veng, Aizawl chu chetsualna hmunah a thi.

Vanglaini thu dawn danin, lirthei chetsual thu hriat a ni mai lo a, lirtheia chuang zinga pakhat chu hliam chungin nimin zing dar 5:30 vel khan kawngpuiah a vak chhuak a, hotel hnai berah an chetsual thu a hrilh. Hotel neitute'n mi dang pun nghalin, Khawruhlian khawtlangin ruang leh hliam an la chhuak a ni.

James Laltluangliana leh hliam tuarte chu Khawruhlian damdawi-inah lak an ni a, hliamte chu first-aid pek an nih hnuah Aizawl lama enkawl tura hruai an ni.

Kawngpuia vâk chhuak zawk chu ngaihtuahawm loa ngaih a ni a, pakhat zawk erawh chu nikhaw hre loa awm chang a nei. James Laltluangliana ruang hi nimin chhun khan ITI Veng thlenpui niin, nimin tlai dar 3 khan vui a ni.