C Thangmawia, Sihfa hnenah Rokunga Award 2024 hlan a ni

Rokunga Memorial Society chuan nimin khan C Thangmawia, Sihfa hnenah Mizo zepui nunpuitu chawimawina, Rokunga Award 2024 an hlân.

Award hlanna inkhawm hi Synod Confe-rence Centre-ah buatsaih a ni a; Rokunga Memorial Society chairman Lalfak Zuala leh Rokunga Award 2024 Selection Committee chairman Rev. Dr Lalchungnunga ten Award-in a ken trophy, tangkapui, thuchei leh Rs 50,000 chu C Thangmawia hnenah an hlan a ni.

C Thangmawia hnenah hian Central YMA president Lalhmachhuana'n kal khawmte aiawhin tawlhlohpuan a bahtir a, Central YMA Zaipawlin hla an rem a; Rokunga Award chungchang leh C Thangmawia chanchin ngaihthlak a ni bawk.

Rokunga Award dawng turin CYMA hriatpuinain YMA branch tinah lehkha thawn niin, an branch huam chhung aṭangin award danwg thei tur mi pakhat rawt turin ngen an ni a; rawtna lutte chu Selection Committee-in an zir chian hnuah award dawngtu tur an thlang ṭhin. Award dawng tura tehfungte chu - Mizo zepui nunpui tlattu - tlawmngai, huaisen, taima, rinawm, tuarchhel leh thuhnuairawlhte a ni.