INDIA RAM FANG CHHUAK

 Vanlallawmzuala Varte s/o VL Chhuanawma, Mission Veng chuan thirsakawr hmangin India ram a fang chhuak tawh a, nimin tlai lam khan Vairengte a thleng. 

LZa hian India rama state 28 zingah Manipur khawpui Imphal tih loh chu state khawpui a tlawh vek a, Imphal erawh tualchhung buaina avangin a tlawh thei lo a, Manipur state chhung eng emaw chen a lut thung a; union territory hrang hrang a tlawh bawk. January 25, 2024 khan MINECO zero point aṭangin vailiam a ni a, km. 17,000 dawn tlân tawhin, a chhuah ṭan aṭanga ni 281-naah Mizoram leilung a rap leh ta a ni.

LZa hi nimin khan Vairengte YMA huaihawtin kawtchhuahah lo hmuah a ni a, November 5, 2024 khian Aizawl a rawn thlen beisei a ni. Governor-in Raj Bhavan-ah a lo hmuah dawn bakah, YMA, Mission Veng Branch huaihawtin Mission Veng Bazarah ropui taka lo hmuah tum a ni.