Career Guidance & Counselling

Mizoram Youth Commission (MYC) chuan October 30, Nilaini khan MYC Coaching Center Auditorium-ah 'Workshop on Career Guidance & Counselling' an buatsaih a; competitive exam-a tui mite leh service-a inziak tling tawhte an inkâwm.

MYC chairman Malsawm-zuala Ralte chuan, lehkha zir chu mihringte mi puitlinga siamtu a nih thu sawiin, zirlaite'n an hma lam huna an kawng thlan tur leh an kal dan tur chiang taka an hriat a ṭul thu a sawi a, "Hlawhtling tur chuan tumruh, taimak leh teirei peih a ngai a, thil kalhmang pangngaiah lungawi mai loh a ṭha," a ti a; tum mumal nei tur leh an kawng zawhte chiang taka chhût turin zirlaite a fuih.

Workshop-ah hian MCS, MFS, MSS, MPS, MFAS leh MIS officer-te'n Mizoram state service hrang hrangte hnathawh dan leh competitive examination atana inpuahchah dante an sawi a ni.