Sikul naupangte ip rih zawng endik

Lunglei district-a sikul naupang sikul kai ip (bag) rit lutuk chhâwk zângkhaina tura district Bawrhsap hoa ruahmanna siam hrang hrangte sikulte'n an zawm ṭhat leh ṭhat loh October 30, Nilaini khan SDC Lalhlimpuii Pachuau kaihhruai inspection team-in an endik.

Inspection team hian Lungleia Baptist Higher Secondary School, Baptist English School, Pukpui Middle School leh JNM Middle School-te an tlawh a; sikulah lehkhabu riahna tur bâwm (locker/shelf) a awm leh awm loh te, ni khata subject neih zat leh home work neih zat te, sikula tui thianghlim in tur a awm leh awm lohte an endik a, sikul naupangte ip rih zawng an teh bawk.