Bân-elh champion lawmpui

Mizoram Pradesh Congress Committee (MPCC) treasurer Dr Lalmalsawma Nghaka, Mizoram Pradesh Youth Congress Committee leh Aizawl S-II Block Congress Committee chuan nimin khan Denic Lalruattluanga, ITI Veng lawmpuina hun an hmang a; lawmpuina thuchei, pawisa, pangpar leh dekchi lian an hlân.

Denic Lalruattluanga hi tun hnai khan Mumbai-a Asian Armwrestling Championship 2024-ah kg. 80 hnuai lamah a champion a ni.

MPCC Treasurer chuan, Denic Lalruattluanga chu khawvela Mizote tihmingṭhatu a nih thu sawiin, an chhuan thu a sawi a, "A mizia leh a inngaihtlawm thiamnaahte hi Mizo ze mawi dik tak tilang chhuaktu a ni. Kan ṭhalaite'n an thiamthil hmanga kan hnam an tihmingṭha ṭhin leh ṭhalaite tan chona thar an rawn siam ṭhin hi a lawmawm," a ti a; sorkar pawhin tun aia nasaa lawmpuiin chhawmdâwl se a duh thu a sawi.