Lunglei DHO-in RAFA Juice a tlangzarh

F Ramfangzauva, Lunglei Theiriat siam chhuah RAFA Pro Biotics Juice chu October 18, Zirtawpni khan Lunglei district horticulture officer (DHO) B Lalzarzova'n a tlangzarh.

DHO chuan kut hnathawktute thei thar chhuah a hringa hralh zawh vek theih lohte sawngbawl a, theitui (juice) tuihnai taka siam chhuak thei an awm chu lawmawm a tih thu sawiin, hlawhtling taka kalpui tur leh hma sawn zel turin duhsakna a hlan.

RAFA Juice hi theiria, chengkek, tengtere, dragonfruit, balhla, theite, sapthei, sunhlu, pear leh lakhuihthei tui aṭangtea siam a ni.

Lungleia Horticulture Wholesale Centre-ah October chawlhkar lina aṭangin RAFA Juice hi lei theiha chhawp chhuah a ni dawn a; ûm khat 750 ml, a ni dawn a, Rs. 350-a zawrh tur a ni.