Central Women's Jail-a naupang leh raipuarte tlawh

Mizoram State Commission for Protection of Child Rights (MSCPCR) hotute chuan nimin khan Central Women's Jail-a tang zinga nuten naupang kum 6 hnuai lam an tàn puite leh tang zinga raipuarte dinhmun an enfiah.

Jail-ah hian nuten naupang kum 6 hnuai lam an tàn pui thei (Mizoram Prisons Manual - 2017) a, tun dinhmunah nute jail tan vanga awm ve naupang kum 6 hnuailam paruk an awm mek a, tang zingah raipuar pahnih an awm bawk.

MSCPCR hotute hian Prisons manual-in a sawi angin naupangte hian an chanvo an dawng em, medical facilities an nei ṭha em tihte an endik a; tun dinhmunah chuan naupangten enkawlna an dawn chu MSCPCR chuan a ṭha thaw khat nia an hriat thu an sawi.