Literature Festival, 2024 buatsaih

18th October, 2024

Nimin khan Aijal Club-ah The Book Cafe, Aizawl leh Sahitya Akademi bultumin Mizorama a vawi khatna atan LEI - Mizoram Literature Festival, 2024 buatsaih a ni a; vawiinah chhunzawma zawh a ni ang.

Literature Festival-ah hian Mizoram chhung leh pawn aṭangin ziakmi engemaw zat an tel a; nimin bik khan India rama Dominican Republic ambassador David Puig chuan thu sawiin, ziakmi hrang hrang - Malsawmi Jacob, Vanneihtluanga, Darrokima, C Lalnunchanga, Jerry Pinto, Shinie Antony, Mamang Dai, Dhruba Hazarika, Avinuo Kire, Dr C Lalawmpuia Vanchiau, Dr Hmingthanzuali, Dr Lalhlimpuii Pachuau, Hannah Lalhlanpuii, Laltlankimi, Lalremruata Sailo, Ramlawt Dinpuia, Hriatpuia, Tatea leh Anita-te'n an thuziah hrang hrang chungchang an sawi.

LEI - Mizoram Literature Festival, 2024 pual hian Aijal Club Park-ah handloom dawr leh ei leh in zawrhna dawr hawn a ni a; festival hi Aijal Club Terrace Restaurant-ah hman chhunzawm a ni ang.