Market sakna tur tlawh

Nimin zing khan Agriculture minister PC Vanlalruata chuan Sihphir Venghluna Vegetable Wholesale Market sakna hmun tur a tlawh a, bialtu MLA Lalthansanga, minister-in a ṭawiawm.

Agriculture Minister chuan, ZPM sorkarin a lo aupui ṭhin leh a ngaih pawi­­mawh em em kut hna­thawktute tan kawl a êng chho zel tih sawiin, "Aizawl dái hnai hmun li-ah Vegetable Wholesale Market kan sa thei tur hi thil lawmawm tak a ni. Building hi sak zawh a nih hunah a khaw neituten society ṭha tak dinin an enkawl zui dawn. Society hian building chhungah kut hnathawktute mamawh tur, thlai chi, hlo tur, pipe leh lei­ṭhate an zuar dawn,' a ti.

Lalthansanga pawhin thu sawiin, "Minister leh MLA-te'n kan bial ṭheuh kan hmangaih tlâng a, hmasawnna hnathawhna tur pawh kan bialah ṭheuh pawh luh kan tum a ni. Keipawhin ka bial tan theih tawp ka chhuah," a ti a, an bial chhunga thlai thar hralhna hmunpui tur a awm dawn ta chu a lawm thu a sawi.