DTO pakhat suspend a ni

Transport secretary C Lalzahngoa chuan nimin khan order tichhuakin, an department-a DTO (LA) Lalengthanga Hnamte chu suspend a ni tih a tarlang.

Lalengthanga Hnamte hi suspend a nih chhunga a headquarter tur chu Aizawl a ni dawn a, Transport Secretary hnen aṭanga phalna a la a nih loh chuan Aizawl a chhuahsan rem tih a ni lo.

Tarlan tawh angin, Central YMA hruaitute chuan October 16, Nilaini khan an president Lalhmachhuana hoin Transport minister Vanlalhlana a pisaah an kawm a, Aizawl DTO office aṭangin dan loin learner leh driving licence pek chhuah ṭhin a nih thu an thlen a, finfiahna an neihte an hlan nghal.

CYMA hruaitute hian Transport Minister hi a enkawl department hnuaia dik lo taka learner & driving licence pekchhuaha in hnamhnawihte chu dan anga na taka hrem tur leh dan loa learner & driving licence pek chhuahte chu cancel vek tura hmala turin an ngen nghal a ni.