KHAWTHLIR

Minister kaihhruaiin Draft bill sawiho

LAD minister C Lalsawivunga kaihhruaiin nimin khan Mizoram State Veterinary Council conference hall-ah The Mizoram (Village Council) Draft Bill, 2024 chungchang inrawnkhawmna leh sawiho vawi hnihna neih a ni a; Mizoram mila democracy chhawmnung renga kalpui zel nise, an ti.

MSCPCR-in tlawh

Mizoram State Commission for Protection of Child Rights (MSCPCR) chuan an chairperson Jimmy Laltlanmawia hoin October 7, Thawhṭanni khan Durtlanga naupang enkawlna - Bethsaida leh Ferrando Children' s Home-te an tlawh. Bethsaida hi rualbanlo naupang enkawlna niin naupang 19 an awm mek a; Ferrando-ah hian naupang 28 an awm mek bawk.

TB sawiho

Mamit District TB Forum chu October 7, Thawhṭanni khan an chairman Jacob Lalawmpuia, bawrhsap kaihhruaiin a pisaah an ṭhukhwm. TB dona atana hmalak dan tur hrang hrang an sawiho a; kumin hian TB awm lohna khaw 20 chu TB free village ni thei tura ṭan lak ni se, an khaw VC pawh hemi kawnga thawktute lo ṭawiawm tura tih ni se, an ti.

PS kum 50-na lawm

Saitual Police Station chuan nimin khan an tualzawlah kum 50 tlin (golden jubilee) lawmna hun an hmang a; Saitual SP Pukhraj Kamal chuan jubilee lung a khuh hawng. Saitual Police Station hi kum 1975-ah din a ni a, officer-in-charge (OC) 36-in an ṭhutchilh tawh a ni.

Chhimchhak Presbytery

Serchhip Kawnpui Presbyterian Kohhranin October 9-13, 2024 chhung Chhimchhak Presbytery Centenary lawmna leh inkhawmpui an thlen dawn avangin Serchhip SP chuan inkhawmpui chhunga lirthei dah dan tur thupek a tichhuak. Serchhip Indoor Stadium kawt leh Synod Book Room aṭanga chhim lam (bazar lam) vantlang zun-in inkar chu inkhawmpui palaite tan lirthei dahna tura ruahman a nih avangin palai lirthei ni lo chu dah khap a nih thu a tarlang.