Neihdawnah thlasik thlai chìn zirtir

Khawzawla Krishi Vigyan Kendra (KVK) chuan nimin khan Neihdawn khuaah thlai chi semna leh chìn dan inzirtirna hun an buatsaih a; Neihdawn khuaa kut hnathawktu chhungkaw 50-te thlasik thlai chìn zirtir niin, thlasik thlai chi sem nghal a ni.

Sorkar thuchhuah tarlan danin, KVK Khawzawl-te hian Neihdawn khuaah hlawk zawka tomato an thar chhuah theih nan quest-grow brand biostimulant hmangin enchhinna an kalpui mek a; chhungkaw 90-in tomato chíngin IIHR - NEH scheme hnuai aṭang hian KVK hian tomato chi an lo pe tawh a ni.

IIHR - NEH scheme hnuai aṭang hian tomato F1, hmarcha (arka meghana), bawkbawn (brinjal), bean (french bean), bawrhsaiabe (okra), ûm ei (bottle gourd), bepui (dolichos) leh zamzo ei chi (amaranthus)-te an dawng a, IARI - NEH scheme hnuai aṭang hian thlai chi chi hrang pariat awmna vegetable seed kit an dawng bawk.