Remna leh muanna duhtu kan ni - MPCC President

MPCC chuan nimin khan Congress Bhavan-ah chhung inkhawm an hmang a, thusawitu MPCC president Lal Thanzara chuan an party chu remna leh muanna duhtu an nih thu a sawi.

MPCC President chuan, "Congress Party hi remna leh muanna duhtu kan ni. Tunhma khan unau hmelhai hunlai kha kan nei a, amaherawh chu Congress Party chuan an ze ngai an rawn chhuah a, kan sorkar lai khan kan hotute leh HPC(D) te an inbia a, HPC(D) te chuan silaite 2018 khan an tung a ni. Remna leh muanna kan lo nei a, Sinlung Hills Council-te kan lo nei ta a ni," a ti.

Lal Thanzara chuan MNF-in an presidet ni mek president atana an hman chhung leh ZPM-in CM ni mek CM atana an pawm chhung chu an party tan kawl a eng zel dawn nia sawiin, "Mahni khua ṭheuhah hma lo la zel turin ka sawm che u a ni," a ti a, 'hnehna chu Lalpa thu a ni' tia innghat chungin SHC inthlan an hmachhawn dawn tih a sawi.