Thlen chin aṭanga hmasawn turin thlen chin hriat chian a ṭul - RD Minister

Rural Development (RD) minister Prof. Lalnilawma chuan nimin khan Aijal Club-ah RD department hnuaia scheme hrang hrangte hmasawn dan thlirhona (review meeting) a hmanpui. Minister chuan thlen chin aṭanga hmasawn zel tur chuan kan thlen chin hriat chian a pawimawh tih a sawi.

Prof. Lalnilawma chuan, Rural Development department chu mipuite dawr tam ber department leh hmuh theiha an hna thawhte lansarh berna a nih thu a sawi a, "Officer-ten in hnate fimkhur takin thawk ang che u. Department hnuaia hna thawhte thlirletna ṭhutkhawm (review meeting) neih hi department tan a pawimawh hle a, thlen chin aṭanga hmasawn zel tur chuan kan thlen chin hriat chian chu tihmakmawh a ni," a ti a; officer-te chu sorkar kutke ber an ni tih hrethiam tur te, inveng renga rinawm leh dik taka hna thawk tur leh sorkar kalpui mek 'Project Rotling' tihhlawhtlin kawngah theihtawp chhuahpui zel turin a sawm nghal a ni.

Thlirletnaah hian Rural Development department hnuaia scheme hrang hrang kalpui dan bihchian niin, RD secretary R Zarzosanga'n a kaihruai a ni.