Mizorama khualzin phur lirthei tihhmasawn dan tur an sawiho

Chief minister Lalduhoma chuan nimin khan a pisaah Mizoram State Transport Authority (STA) hotute a kawm a; Mizorama khualzin phur lirthei tihhmasawn dan tur an sawiho.

STA hian hma thar lak dan tur an ruahmanna - Online Cab Booking System chungchang te, Aizawl khawpuia maxi cab lut ṭhinte rel fel chungchang te, maxi cab service tam ber sumo production a tawp tawh avangin thingtlang bazar bus uar thar a ni leh dawna an hriat thu leh chutiang a lo thlen huna inbuatsaih dan turte Chief Minister hnenah hian an thlen.

Meeting chuan online cab booking system chu buaipui hmasak ni se ṭha an ti niin sorkar thuchhuahin a tarlang.

He hunah hian Home minister K Sapdanga, Transport minister Vanlalhlana leh FCSCA minister B Lalchhanzova leh STA member-te an tel.