Chakai farm ngaihtuah lo

ZPM kaihhruai sorkar a pian hnuah chakai farm kalpui zel tur a nih leh nih loh ngaihtuah a la ni lo.

Vanglaini palai zawhna chhangin Fisheries minister Lalthansanga chuan chakai farm chungchang an la ngaihtuah loh thu a sawi a, "Kalpui zel a ni dawn em, hmathar lak a ni dawn em tihvel engmah ngaihtuah leh sawiho a la ni lo hrim hrim," a ti.

Fisheries Minister chuan Bana Kaih Policy-ah chakai farm thlangte an awm a nih chuan a ṭul anga ngaihtuah theih a nih thu a sawi.

MNF kaihhruai sorkarah khan SEDP Pilot Project hnuaiah chakai farm hi Dumluiah 'Chakai Demonstration Farm' an kalpui a, cheng nuai 54 vel senna tura ruahman a ni.