Ruihhlo do dan tur sawiho

Kolasib District Task Force on Ruihhlo Do chu nimin khan DC conference hall-ah additional DC B Malsawmtluangi hoin an ṭhukhawm a, ruihhlo donaa hmalak dan tur an ngaihtuah.

B Malsawmtluangi chuan, District Task Force on Ruihhlo Do chu Mizorama ruihhlo hluar zel dona pakhat a nih thu a sawi a, "Ruihhlo hluar zel hi sorkarin a vei em em. Supply reduction leh harm reduction ang zawng pawhin office hrang hrang aṭanga hma lain, he committee hmang hian demand reduction lam hawiin hma lak a ni. A ṭul dan anga an huangte pawh tihzauh theih a ni," a ti.

Ṭhutkhawmnaah hian member-te chuan an hmalak tawh dante an sawi a, master trainer paliin training an pek dan an tarlang. Kum naupang lam, ruihhlo la ti lote tinzâwn bik deuh leh, inzirtir kalpui turin ruihhlo hluarna hmunah insâwrbing deuh a pawimawh thu an sawi.

District-a hmalakna atan Social Welfare and Tribal Affairs department aṭangin kum 2023-24 atan Kolasib district-in Rs 7,00,000 an dawng a, Rs 2,00,000 hman a ni tawh.