CS chiahin pisaah TV a kawl thei dawn

Mizoram sorkar chuan sorkar hnathawk television (TV) kawl thei chin a titlem a, chief secretary chiahin pisaah TV a kawl thei tawh dawn. Hei hi inremchemna atana tih a ni.

Mizoram sorkar chuan principal secretary, commissioner, secretary, special secretary, additional secretary, joint secretary leh a tlukpuite'n an pisaa telivision an kawl theih ṭhin chu a titawp.

Hetih lai hian, officer-te'n an pisaa TV an kawl mekte chu laksak/chhuhsak a ni dawn lo a; mahse, thla kal mek September aṭang chuan cable connection fee leh siam a ngaih chánga siamna man chu a kawltu officer-in ama sum aṭanga a pek/chawi a ngai tawh dawn a ni.