MZU-ah zirhona buatsaih

Mizoram University-a Zoology department leh Indian Society for Chronobiology (InSC) chuan nimin khan MZU Guest House-ah 'Mechanism underlying daily and seasonal biological process' tih thupui zirhona an buatsaih ṭan a; InSC president Dr Vinod Kumar-a'n hmanpuiin, InSc-in MZU leh zirna-in dangte puih a inhuam reng thu a sawi.

Zirhona hi ni sarih chhung neih tura ruahman a ni a; hawnna inkhawmah hian MZU pro vice chancellor Prof. Pravakar Rath, School of Life Sciences dean Prof. G Gurusubramanian, Zoology HoD Prof. HT Lalremsanga leh convener Dr Amit K Trivedi-te an telpui.

Workshop chhung hian Switzerland-a Swiss Ornithological Institute aṭangin Prof. Barbara Helm leh Japan rama Kyushu University aṭangin Prof. Akiko Satake ten thil pawimawhte an zirpui dawn a ni.