DC-in Serkhan-Bagha kawng a enfiah

Kolasib district bawrhsap Robert C Lalhmangaiha chuan September 7, Inrinni khan Serkhan aṭanga Bagha kawng - state highway a enfiah a; Saipum khaw daia chêng Manipur ráltlânte a tlawh nghal.

Sorkar thuchhuah tarlan danin, Bawrhsapin Serkhan-Bagha kawng a enfiahnaah hian kawng khuar tenau a awm zeuh zeuh ṭhin tih loh chu kawng a ṭha thawkhat a; Bukpui, North Hlimen leh Saipum inkar kawng erawh khuar lian tham tak tak leh lirthei tana tlan hrehawm tham a awm nual. Kawnpuia PWD SDO leh JE-te chuan hna kal lai mek a nih thu leh siamṭhat thuai an inbeisei thu DC an hrilh.

Kolasib DC hian Saipum khaw daiféma cheng Manipur raltlante a tlawh a; raltlante'n ei leh bar leh thil danga an harsatnate an lo thlen chungchangah, theihtawpa hmalakpui a tum thu a hrilh.

Bawrhsap hian Saiphai Village Council hruaitute pawh a kâwm a, an khaw kawng chhia leh transformer chhia vanga harsatna an tawhte leh mamawh dangte an lo thlen a ni.