MSPMC-in Agriculture hotute kâwm

Mizoram State Project Monitoring Committee (MSPMC) chuan September 6, 2024 khan Planning department committee room-ah Agriculture department hotute an kâwm a; Tuikual South-a Agriculture Growth Centre sak mek an endikna aṭanga siamṭhat ngaite leh chak zawka hna a kal theihna tura hmalak dan turte an sawipui.

Agriculture Growth Centre sak mek hi MSPMC hotute chuan August 22, 2024 khan an lo endik tawh a, an endikna aṭanga hmalak zui ngai nia an hriatte Agruiculture department hotute an sawipui a ni. Ṭhutkhawm hi MSPMC vice chairman R Lal Rinawma'n a kaihruai.

Agriculture Growth Centre hi NEDP sum vbc. 45.55 hmanga sak tur a ni a, nodal department chu Agriculture & Farmers Welfare department niin, contractor chu Northeast Consultancy Services (NECS) a ni. November 22, 2022 khan thawh ṭan a ni a, November 7, 2025-ah zawh tura ruahman niin, tun dinhmunah hna 22% thawh zawh tawh a ni.