Hnahthial district-ah sawhthing ching inhriattir mi 1,812 an awm

Horticulture department Operation Ginger 2024 - Fehchhuah Rûnpui chu Hnahthial district-a khaw hrang hrangah August 16, 2024 khan kalpui ṭan a ni a, zawh thawkhat a ni tawh. Hnahthial district-ah hian sawhthing ching inhriattir mi 1,812 an awm.

Operation Ginger-ah hian Hnahthial district-a khaw 26-ah mi/chhungkua 550-te sawhthing enkawl dan leh a tám hri ven dan zirtir a ni a; sawhthing ching inhriattir mi 1,812 awmin, ram hectare 713.7-a zauah sawhthing quintal 5,900 vel an chíng a, harsatna a awm loh chuan qtl 40,000 vel thar theih an inbeisei. An chìn tam ber chu Thínglaidum leh Thíngpui a ni.

Cherhlun khuaah chhungkaw 196-in sawhthing an chíng a, Darzo khuaah chhungkaw 189-in an chíng bawk a; anni hi Hnahthial district-a sawhthing chíng tam khua an ni.

Hnahthial district-ah hian khaw tam takah sawhthing a tám a, eichhetu pangang leh tho lung hmuh tur eng emaw zat a awm. Sawhthingte chu a la ṭawih nasa lo a, mahse, a hnahte a eng nasa tawh thung.