Assam Rifles rama thing chhiarpui neih kan dil AR-in min phalsak - CESJ
Centre for Envi-ronment and Social Justice (CESJ), Mizoram hruaitute chuan September 7, Inrinni khan Assam Rifles 23 Sector DIG Girish Upadhya leh hotu dangte an kâwm a; AR-in an chhuahsan tur rama thing chhiarpui neih an dil chu phalsak an ni tih an tarlang.
CESJ chuan, AR-te chhuahsan tur ram chu mipui tan hman ṭangkai a nih a, thing leh maute tirêm lo zawnga hmalak a nih theih nan MoU awm ngei se an duh thu an thlen tih an tarlang a, "AR-te chhuahsan tur rama thing leh nungchate hi hun lo kal zelah humhalh a nih theih nan thing chhiarpui neih kan dil chu min phalsak a, AR lamin min ṭawiawm an inhuam bawk," an ti.
Lammual thlang lama tui luankawr mumal lo leh Bethlehem veng lam ngawah leimin hlauhthawnawm a thu an thlen tih sawiin CESJ chuan, "CESJ geologist hman remchan huna enho kan ti," an ti a; ram dang kuhva tawlhruk chungchangah AR sipaite ramri-ah an ṭan thu leh sum chhehrelh ven nan body camera, CCTV leh complaint-na phone number an dah thu DIG-in a lo hrilh tih an sawi bawk.