Ram tan Baptist kohhran ṭawngṭai

Baptist Church of Mizo­ram (BCM) tualchhung kohhran hrang hrang­te chu September 7, Inrinni khan ram tan awmni khamin an ṭawng­ṭai.

BCM Assembly 2024 chuan kumin chhungin ram pum huapin ram tan awmni khama ṭawngṭai a rel a; chumi bawhzui chuan June 13, 2024-a BCM Administrative Committee ṭhukhawm chuan September 7 chawhma dar 11 aṭanga chawhnu dar 3 thleng ram tana ṭawngṭai an rel a ni.

Ṭawngṭaina hun hi ṭum sarih an hmang a, ṭum khat darkar chanve chhung zel niin, thupui hrang hrang hmangin an ṭawngṭai a ni.

ṬAWNGṬAI THUPUI ṬHENKHAT

◆ India ram rorêltute tan, dik tak leh mipui hmakhaw ngaia ro an rêl theih nan.

◆ India ramah sakhaw zalenna a awm zel theih nan.

◆ Sakhuana avanga innêkchêpna, inendawngna leh tihduhdahna a reh theih nan.

◆ India ram state hrang hranga roreltu Chief Minister-te leh MLA-te tan; an state-ah mipui hamṭhatna tura ro an rêl ngei theih nan.

◆ Mizorama rorêltute (ministry) tan, Mizoram tana ṭha ber tura thinlung hmun khat pûa ro an rêl theih nan.

◆ Chief Minister tan; ram hmangaihna tak tak nen, ram hnuk siam tura Ministry leh ram a kaihhruai theih nan.

◆ MLA 40-te eirûkna tibo tura an fihlim theih nan leh eirûkna laka ram an venhim theih nan.

◆ Ruihhloin a tihbuai ngawlveite leh ruih theih thil ti thinte'n an sim theih nan.

◆ Ruihhlo zuartute'n an bânsan theih nan.

◆ Ruihhlo la ti lo naupang leh tleirâwl/râwltharte ruihhlo laka venhim an nih theih nan.