Fare bituk zawm ṭhat loh vangin Online cab booking kalpui dawn

Khualzin phur lirtheite'n sorkarin chuan man leh hman man (fare) a bituk an zawm ṭhat loh avangin Mizoram State Transport Authority (STA) chuan mipuite'n fare dik tak an chawi a, awlsam zawka lirthei hman (hire) tur an koh theih nan 'Online Cab Booking Service' a kalpui dawn.

STA chuan lirtheia chuan man leh hman man STA-in a siam ṭhin thu tarlangin, "Lirthei neitute'n an zawm ṭha tâwk lo hle tih hriat a ni," a ti a; online cab booking system kalpui a nih chuan mipuite'n lirthei hman man dik tak an chawi thei tawh tura beisei a nih thu a tarlang.

STA tarlan danin, Online Cab Booking Service hi enchhinna atan Aizawl khawpuiah kalpui phawt tura ruahman a ni.