Rs 5,36,04,200 hû meth man

Mizoram Police CID Crime hnuaia Special Narcotics Police Station team chuan nimin zing dar 2:45 khan Lungverh, Sakawrtuichhunah methamphetamine kg 41.234-a rit an man a, Rs 5,36,04,200 hû a ni. Special Narcotics PS-ah NDPS Act Section 22(c)/25/29(1) tlawhchhanin thubuai an ziak lut.

Police-te chuan meth kawltu mi pangate pawh an man nghal a; chungte chu - Edenthara (27) s/o Tlangthanga, Rihkhawdar, Myanmar (present address Zemabawk), Rochharliana (38) s/o Sangtinkulha, Hruaikawn, Champhai district nia inchhál, Vanlalvunga (47) s/o Vanlalmawia, Khuangleng nia inchhál, Nasir Uddin (34), Karimganj nia inchhál leh, Anurul Haque (37), Baghan, North Tripura nia inchhálte an ni.