A thlawna lung zai turte tír liam

Sri Ramachandra Medical Center, Chennai-ah a thlawna lung (heart) zai turin nimin khan mi pakua tirh thlak an ni a, puitling pathum leh naupang paruk an ni. Sri Ramachandra Medical Centre-ah hian a thlawnin Mizo 24 zai an ni tawh.

Health minister Lalrinpuii hmalaknain National Health Mission kaltlangin February 2024-a ZMC-a Cardiac Camp buatsaih kal zelah, lung lama harsatna nei zai ngai mi eng emaw zat chu Sri Ramachandra Medical Center-ah a thlawn veka zai tura ruahmanna siam a ni.

Sri Ramachandra Medical Center-a a thlawna zai hmasak ber (batch khatna)-ah March 2024 khan hlawhtling takin mi 18 zai an ni a, batch hnihna - August thla tìr lam khan mi paruk hlawhtling taka zai leh an ni bawk a; mi 24 zai an ni tawh. A thawh thumnaa zai turin mi pakuate chu nimin khan tirh thlak an ni leh ta a ni.