Birth certificate, etc. kaihhnawihah CYMA-in police-ah FIR an thehlut

Tun hnaia social media-a document hrang hrang - birth certificate leh a dangte siam thei nia insawi an awm chung­changah Central YMA hruaitute chuan nimin chawhnu khan Aizawl Police Station-ah first information report (FIR) an thehlut.

CYMA hruaitute chuan, sorkar leh sorkar department-in an ruat ni lo, mimal anga document siam thei nia inchhâl an awm chu pawi an tih thu leh an ngaih thutak thu te, mipui leh sorkar zah lohnaa an ngaih thute an sawi a; birth certificate lo siam ve ngawttute chu ram leh hnam hmelma an nih thu leh chutiang mite chu police-te'n chhui chhuak ngei se an duh thu an sawi bawk.

FIR hi CYMA president Lalhmachhuana leh hruaitu dangte'n Aizawl PS-a officer in-charge Deepak Pathak hnenah an hlân a ni.