
Paryatan Mitra zirhona hawng
Tourism secretary Dr Lalrozama chuan nimin khan Chaltlang Tourist Lodge-ah Paryatan Mitra zirhona a hawng. Zirhona hi Ministry of Tourism leh Tourism department ten an buatsaih a ni a; training ni hnih awh tur niin, stage I-ah hian taxi driver-te tan training buatsaih a ni.
Paryatan Mitra programme hi Ministry of Tourism-in tourism hmasawn nan leh tourism industry-a eizawnna neite'n nasa lehzuala tourism aṭanga sum an hai luh theihna tura a duan a ni. Scheme hnuaiah hian India rama pilot project tura thlan pasarih zingah Aizawl district a tel a, a thawh khatna atan tourist service provider-te training neihpui a ni.