CM hoin Lunglei HPC ṭhukhawm

Lunglei District High Powered Committee (HPC) chu nimin khan Chief Minister's Office-ah an ṭhukhawm a; chairman, chief minister Lalduhoma'n a kaihhruai.

Meeting-ah hian ṭha zawka Lunglei HPC kalpui dan tur te, Serkawn bazar shed sak thar leh Mizoram chhim lama airport siam chungchang te, Lungleia car & smart parking leh ring road project siam chungchang te, agricultural link road laih leh thil pawimawh dangte sawiho a ni a; HPC fund hman dan phung tihdanglamte an rêl.

CM Lalduhoma chuan, sorkarna an kalpui hnu deuh lawkah MP thlan kaihhnawihah Model Code of Conduct puan a nih avangin an tum angin Lunglei HPC an ṭhukhawm hma thei lo tih a sawi a, "Lunglei mipuite'n min duhsakzia kan hria a, sorkar hian mipui lakah rulh tur tha bá tam tak kan nei tih kan hre reng a ni," a ti.

Ṭhutkhawmah hian Lunglei HPC vice chairman V Malsawmtluanga, MLA bakah, Lunglei MLA dang pahnih Lalramliana Papuia leh T Lalhlimpuia te, sorkar hotu leh member dangte an tel a ni.