Chaltlang Tourist Lodge tihchangtlun dan tur sawiho

Chief minister Lalduhoma hoin nimin khan CMO conference hall-ah Empowered Committee for Investment an ṭhukhawm a; Chaltlang Tourist Lodge chu tun aia changkang zawk, 4 star emaw, a aia sang star hotel-a siam dan tur an ngaihtuah.

Sorkar thuchhuah tarlan danin, India hmarchhakah star hotel 57 a awm mek a, chu'ng star hotel-te chu mimal (private) enkawl vek niin, sorkar hmunhma a nih pawhin private firm-te enkawltir vek an ni a, Mizoramah star hotel a la awm lo thung. Mizoramin Sustainable Investment Policy a neih tâk avangin kum 2023 aṭanga hmalakna lo kalpui ṭan tawh, Chaltlang Tourist Lodge Star Hotel atana thuam ṭhat chungchang chu bawhzui a ni leh ta a ni.

Ṭhutkhawmah hian adviser to CM TBC Lalvenchhunga, MLA leh committee member dangte an tel a ni.