NGOCC-in Mizoram Gorkha-te OBC dinhmun pek an duh lo

NGO Coordination Committee hruaitute nimina Central YMA Committee Room-a ṭhukhawm chuan, Mizorama Gorkhali-te'n Mizoram sorkara Other Backward Class (OBC) nih an dil chu ṭha an tih loh thu leh pek chia an ngaih loh thu an tarlang.

NGOCC chuan thuchhuah siamin, "Gorkhali-te'n Mizoram sorkara OBC status an dilna hi ram leh hnam himna atan thil pawi thei a nih dawn avangin ṭha kan ti lo a, pek chiah kan ngai lo. Sorkar hmalakna ngun takin kan en zui zel dawn a, a ṭul angin hma kan la zel dawn a ni," an ti.

Central YMA chuan Mizoram Gorkhali-te hnena OBC dinhmun pek an duh loh thu August 6, 2024 khan an lo puang tawh bawk.